வெளியில் என்ன சத்தமென
அறையின் கதவைத் திறக்கிறேன்
புள்ளினங்கள் சத்தத்துடன் பறந்தன
மழை ஊத்தத் தொடங்கியது
கடலலை மேலும் ஆர்ப்பரித்தது
தூரத்தில் நாய் ஊளையிட்டது
அப்படியே கதவைச் சாத்திக்கொண்டேன்
யாரும் வரவில்லை
எல்லாம் இருந்தபடியே இருந்தது
நிலைக்கண்ணாடியில் ஒட்டியிருந்த
ஸ்டிக்கர் பொட்டை மட்டும் காணவில்லை
வந்தது நீயா? பேயா?
ஆண்கள் பொட்டு வைப்பார்களா என்ன
- மகேஷ் பொன்
கருத்துகள் இல்லை:
கருத்துரையிடுக