நடுத்தர வயதுப் பெண் பிரிவாற்றி
எத்தனைக் காலம் ஆற்றியிருப்பாள்
இன்னும் யோசிக்கவே இல்லை
மூத்த மருமகனுக்கு கொடுத்துதவ
மாமியாரால் எப்போதும் முடியாது
மரச்சீனி தோட்டத்து வேலை
பாதியில் கிடக்கிறது
மலைப்பிரதேசத்து இவ்வூரில்
இனி பஞ்சர் பார்க்க ஆளில்லை
அண்டை வீட்டுக்காரனுக்கு
இரவல் பீடி தடைப்பட்டுவிட்டது
பகலில் பலாப்பழம் கொய்யவும்
இரவில் இளநீர் திருடவும்
இடையூறு களையப்பட்டுவிட்டது
ஒரு கதை சொல்லி
தன் கதைகளை நிறுத்திக்கொண்டான்
நூறு கைமாத்து கொடுத்தவன்
நூறுமுறை சொல்லிவிட்டான்
ஆயிரத்தில் கடன் வாங்கியவர்கள்
திருப்பிக் கொடுத்தால் உண்டு
அவன் முன்வாயில் வெளியேறியதும்
வறுமை பின்வாயிலில் உட்புகும்
நிரம்பாத பக்கங்கள் நிரம்ப இருக்க
எழுதிக்கொண்டிருக்கும் போதே
ஒரு துளி பாம்பின் விஷம்
முற்றுப்புள்ளி வைத்துவிட்டது….
- மகேஷ் பொன்
கருத்துகள் இல்லை:
கருத்துரையிடுக