நீ அக் கணம் ஏதேச்சையாகதான்
கடந்து போனாய்
நான் இருபது வருடங்களைக்
கடந்து வந்தேன்
இருவரும் சந்தித்துக்கொண்டோம்
காலம் கடந்துப் பேசிக்கொண்டோம்
2002-
உன் விழியிலிருந்து
ஒரு நொடியில்
ஒரு கோடி தோட்டாக்கள் புறப்பட்டு
ஒருமுக வெறியோடு
என் ஒரே இதயத்தை வீழ்த்தின
2022
உன் அதே விழியில்
இப்போதும்
தோட்டாக்கள் இருந்தால்
இன்னொரு முறை
என் இதயத்தை வீழ்த்தக்கூடும்
உன் ஞாபகமாய்
உன் ஞாபகம் மட்டும்தான்
என்னிடம் இருந்தது
அது நூலாம்படைப் படிந்து
ஒரு ஓரமாய் இருந்தது
அதைதான் தூசித்தட்டினாய்
இப்போது பார்
அது மிளிரத் தொடங்கிவிட்டது
இனி
என் மனைவி மக்களை
அடிக்கடி நினைத்துக்கொள்ள வேண்டும்
- - மகேஷ் பொன்
கருத்துகள் இல்லை:
கருத்துரையிடுக