உங்களுக்கு ஆள் இருக்கா
ம்ம் இருக்காங்க
யாரென்று தெரிஞ்சிக்கலாமா
ஓ தெரிஞ்சிக்கலாமே
என் எதிர்வீட்டில்
ஒரு ஆள் இருக்கிறான்
இந்த ஊரில்
நிறைய ஆட்கள் இருக்கிறார்கள்
முக்குச்சாலை டீக்கடையில்
ஒரு ஆள் இருக்கிறான்
வழக்கப்பட்ட மளிகைக் கடையில்
ஒரு ஆள் இருக்கிறான்
பேருந்து நிறுத்தம் வரை வரும்
தோழியின் அண்ணன்
என் ஆளுதான்
வாடிக்கையாக வந்து போகும்
பேருந்தின் கண்டக்டர்
என் ஆளுதான்
கல்லூரியில்
பன்னிரெண்டு துறைகளிலும்
தலா நான்கு ஆட்கள் இருக்கிறார்கள்
பகுதிநேரமாக பணிசெய்யும்
மருத்துவமனை மெடிக்கலில்
ஒரு ஆள் இருக்கிறான்
இன்ஸ்டாவில்
வாரத்திற்கு நாலைந்து ஆட்கள்
புதிதாக வந்துவிடுகிறார்கள்
ஃபேஸ்புக்கில்
காரணங்கள் ஏதுமின்றியே
2643 ஆட்கள் இருக்கிறார்கள்
இன்னும்
பால்யத்தில் தொடங்கி
இந்நாள் முடிய
விட்டக்குறை தொட்டக்குறையாக
நூற்றுக்கும் மேல் ஆட்கள் இருக்கிறார்கள்
எனக்கு
சேவை செய்வதற்கென்றே
ஒரு கண்டெய்னர் லாரிக்கு
ஆட்கள் இருக்கிறார்கள்தான்
உனக்கு
எந்த ஆளைப்பற்றித் தெரிய வேண்டும்?
நீ என் ஆளாகதானே விரும்புகிறாய்
பிறகு ஏன்
தேவையற்ற கேள்வி கேட்கிறாய்
நெட் பேலன்ஸ் வேறு முடிந்துவிட்டது
முதலில்
9597167715 என்ற ஏர்டெல் எண்ணுக்கு
அன்லிமிட்டடு ரீசார்ஜ் செய்துவிட்டு வா
இன்று முதல் நீயும் என் ஆள்தான்….
- - திவ்யா ஈசன்
கருத்துகள் இல்லை:
கருத்துரையிடுக