அவனுக்கு அக்காவாக இருந்தேன்
அவனுக்கு அத்தையாக இருந்தேன்
ஈடிணையற்ற தோழியாக இருக்கலாமென்று
அவனை மீண்டும் பிறக்கச் சொன்னேன்
பத்தாண்டுகள் முன் சென்று
அவனும் புரவியில் ஏறி புறப்பட்டான்
காலத்தை பின் தள்ளியபடி
இப்போது என் வீட்டு வாயிலில் வந்து
ஹாரன் அடிப்பது அவேனதான்
சாலை மேடு பள்ளமாக இருக்கிறது
வேகத்தடைகள் இருக்கிறது
கொண்டை ஊசி வளைவுகள் இருக்கிறது
தோளில் கை வைக்கவா
இடுப்பில் கைகள் கோர்க்கவா
ஒவ்வொரு குலுங்கலுக்கும் உரசிக்கொள்ளவா
அத்தனை ப்ரேக்குக்கும் அணைத்துக்கொள்ளவா
பல்சர்220 ஒரு பறக்கும் புரவி
அவனுடனான மலைப்பாதைப் பயணத்தில்
அது மனதை அலைபாயவிடுகிறது
ஆளரவமற்ற தனிமை முருகேற்றுகிறது
இந்த அடர் பசுமை
கண்ணில் நீலம் பூக்கச் செய்கிறது
இதழில் செஞ்சாயம் பூசுகிறது
வளர்ந்த புல்வெளியைக் கண்டால்
புரவி நின்று மேயாதா என்றிருந்தேன்
அப்போது ஒரு முத்தமிடதான் எண்ணினேன்
வனத்தில் மனதின் குறல் எதிரொலிக்குமோ
இப்போது புரவி நின்றது
அவன் எல்லை மீறி மேயத் தொடங்கினான்
மேகம் சூழ்ந்துகொண்டது
பனி புகைமூண்டது
இன்றுதான் கனமழை பெய்ய வேண்டுமா
என் மேநெற்றி குங்குமம் கரையுமளவுக்கு
- மகேஷ் பொன்
கருத்துகள் இல்லை:
கருத்துரையிடுக