அம்மா குறித்துப் பேசமுடியாதவன்

கண்கண்ட தெய்வம்!
அன்பின் மறுபெயர்!
-என்பனப் போன்று
சொலவடை தொடங்கி
குறுஞ்செய்தி வரை
அம்மாக்களின் புகழாரம் கேட்டு
சலித்துவிட்டது எனக்கு.
சிசு கொன்ற அம்மாக்களும்
அனாதைகளை உருவாக்கிய அம்மாக்களும்
ஓடிப்போன அம்மாக்களும்
இங்கு ஏராளம் உண்டு.
அம்மா இருப்பவனும்
அம்மா இல்லாதவனும்
அம்மாவின் பெருமைகளைப் பேசுகிறான்...
அம்மா இருந்தும் இல்லாதவன்
அம்மாவின் சிறுமைகளையும் பேசுவதில்லை...