துருபிடித்தக் காதல்

மைப்பூசியப் புருவங்கள்

வில்லென எடுத்து வைத்தாய்

அமிலம்தடவிய கண்கள்

அம்பேன தொடுத்து வைத்தாய்

நீ எய்த வேண்டாம்

நான் வீழ்ந்துவிட்டேன்...

உன் விழியிலிருந்து

ஒரு நொடியில்

ஒரு கோடி தோட்டாக்கள் புரப்பட்டு

ஒருமுக வெறியோடு

என் ஒரே இதயத்தை வீழ்த்தின.

உள்ளுக்குள் கரிமருந்தை விடுத்தாய்

உயிரை உருத்தாமல் எடுத்தாய்...

டைரி எழுதுவது

புகை வளிப்பது

தேனீர் அருந்துவது

- என்பனப் போல்

எனக்குமொரு வழக்கம்தான்

உன்னைப் பார்த்தல்.

பிகரை பார்த்து கியரைப் போடும்

ட்ரைவரைப் போல்

எனக்குள் ஒரு உத்வேகம் பிறக்குமே

அதற்க்காகவேணும்

உன்னை தினமும் பார்த்தாக வேண்டும்...

ஒரே கூண்டில் இரண்டு கிளிகளையும்

ஒரே தொட்டியில் இரண்டு செடிகளையும்

வளர்ப்பது போல் அத்தனை சுலபமல்ல.

உன்னை வளர்க்கும் இதயத்தில்

இன்னொருவளுக்கு இடமளிப்பது... 

நீதிமன்றத்தால் ஜப்தி செய்யப்பட்டு

நீண்டகாலமாய் மீட்க்கப்படாமல் கிடக்கும்

வாகனத்தைப் போல்

உன்னிடம் மாட்டிய என் இதயமும்

துருப்பிடித்துக் கிடக்கிறது.

அதை மீட்டுவிடவும் ஆசைதான்

மீட்டாமல் விடவும் ஆசைதான்... 

பத்தில் பதினொன்று

முதல் வகுப்பு முதல் காதல்

அரவணைத்துப் பேசிய நண்பனின் அக்கா

இன்னமும் முடியாத கோடை விடுமுறை

கொஞ்சும் நயனம் கலையாத மவுனம்

மருமகளின் பெயராகி எப்போதும் ஒலிப்பவள் 

நிலவின் பாலினம் குறித்தக் கவிதை

நீலப் பூப்போட்ட வெள்ளைத் துப்பட்டா

விதிவழி படினும் வாழ்வின் ஒளி

சீக்கிரம் வளர்ந்த மடோனா செபாஸ்டின்

அகம்புறம் யாவும் எனது சாயல்

சபிக்கப்பட்ட வாழ்க்கை நீண்ட பயணம்

01199106 - பாத்திமா டீச்சர்

02199409 - மகராசி

03199712 - பிரேமா

04199914 - பதர்நிஷா

05200116 - திவ்யா

06200419 - சந்திரலேகா

07200722 - மெர்ஸி

08200924 - கனகா

09201227 - வினி

10201328 - நிவிதா

11201429 - செ.மு.பாப்பா

நான்முகன்

முகம்-1

நடைமுறைக்கு பழக்கப்பட்டவன்

அன்றைய பொழுதுகளை வாழ்பவன்

வெகுளிக்கு விளக்கம் தெரியாதவன்

உணவின் சுவை அறியாதவன்

எல்லோரையும் நம்புகிறான்

நாத்திகம் பேசினாலும் பிரசாதம் திண்கிறான்

அன்பை சமமாக்கி வைத்திருக்கிறான்

விடுப்பின்றி பணி செய்கிறான்

கணக்கு பார்க்கிறான்

எதிர்காலம் குறித்து கனவு காண்கிறான்

வறுமையில் வராக்கடனை யோசிக்கிறான்

இரவில் மின்விசிறிக்காக இரக்கப்படுகிறான்

நண்பர்களுகு ரீசார்ஜ் செய்கிறான்

தோழிகளின் ‘ஹி’க்கு நாலாம்நாள் பதிலிடுகிறான்

குடும்ப பாரத்தை விரும்பியே சுமக்கிறான்

எதிர் வீட்டுக்காரனிடம் சின்நகையில் பேசுகிறான்

புதிய நண்பர்களை மொபைலில் சேவ் செய்கிறான்

ஜனநாயகத்தை நொந்துகொள்கிறான்

தங்கை ரிமோட்டிட டிவி பார்க்கிறான்

முன்னால் காதலிகளின் நலன் விரும்புகிறான்

ஒதுங்கிப் போகிறான்

ஒரு கப் தேநீர் அருந்துகிறான்

அவ்வளவே இயல்முகன்…..

இன்றும் உங்களை கடந்து சென்றவனவன்

முகம்-2

அன்பைப் பொழிகிறான்

அக்கா மகள்களை நலம் விசாரிக்கிறான்

முதலாளியாக விரும்புகிறான்

ஆடம்பர செலவு செய்கிறான்

சண்டைகாரன் மகளுக்கு சாக்லெட் தருகிறான்

இலக்கியம் பேசி இரவுகளைத் தொலைக்கிறான்

தோழிகளில் ஒருத்தியை மணக்க விரும்புகிறான்

நண்பர்களோடு நீள பேசிக்கொண்டிருக்கிறான்

நக்சலின் மார்க்ஸிய நியாயங்களை இயம்புகிறான்

அண்ணனுக்கு வாட்ஸ்அப் செய்கிறான்

அநியாயத்துக்கு குரல் கொடுக்கிறான்

நியூஸ் பார்கிறான்

அம்மாவுக்காக பாத்திரம் விளக்குகிறான்

பிச்சை இடுகிறான்

இவன் கால்முகன்….

முகம்-3

எல்லோரையும் வெறுக்கிறான்

இயேசுவை சண்டைக்கு இழுக்கிறான்

பெட்டிக்கடையில் கடன் கேட்கிறான்

கோபப்படுகிறான்

உணவின் சுவை குறித்து கலகம் செய்கிறான்

தன் கொட்டம் அடிக்கிறான்

சிக்னலை மீறுகிறான்

இளையராஜா பாடலில் லயித்துப் போகிறான்

நண்பனின் தங்கைக்கு நூறு எஸ்எம்எஸ் அனுப்புகிறான்

முகேஷை பார்த்துக்கொண்டே புகைக்கிறான்

சமயத்தில் வெட்கபடுகிறான்

இவன் அரைமுகன்….

முகம்-4

உலகை மறந்துவிடுகிறான்

மனைவியை அடிக்கிறான்

எதையேனும் உடைக்கிறான்

வாந்தி எடுக்கிறான்

பஸ் ஸ்டாண்டில் தூங்குகிறான்

தங்கையின் நடத்தையில் சந்தேகம் கொள்கிறான்

கோத்தா, கொம்மா, ஜட்டி, பாடி எனத் திட்டுகிறான்

அப்பாவின் இயலாமையை குத்திக்காண்பிக்கிறான்

அத்தையை மச்சினியை முத்தமிட துடிக்கிறான்

ஆட்டோவில் வருகிறான்

இவன் முக்கால்முகன்….

முகம்- 0

யோகநிலையில் இருக்கிறான்

புத்தனாக விரும்புகிறான்

கனவில் நயன்தாராவை புணருகிறான்

கிடைமட்டம் ஆகிறான்

இவன் முழுமுகன்….

முன்னால் காதலிகளுக்கு சமர்ப்பனம்

என் ஆசிரியரின் பாராட்டைப் பெற்றதொன்று

பரிசில் பெற்றதொன்று

நண்பனின் காதலுக்கு தூதானதொன்று

விழா மேடையை தன்வயபடுத்தியதொன்று

திருமண பிளக்ஸ் ஏறியதொன்று

வாழ்த்து மடலானதொன்று

இரங்கற் பாவானதொன்று

புரட்சி பேசியதொன்று

கம்யூனிச சுவரொட்டியானதொன்று

மெட்டுகட்டி பாடல் பெற்றதொன்று

தங்கையின் வாரஇதழில் பிரசுராமானதொன்று

ஊடல் தனித்ததொன்று

பொரிகடலை அச்சுவெல்லத்திற்கு மாற்றானதொன்று

பொன்மொழியாய் நிலைப்பெற்றதொன்று

காதலியை பெற்றுத்தந்ததொன்று

பின் அவள் தோழியையும் வசப்படுத்தியதொன்று

பெண்ணுடலைப் பெற்றுத்தந்ததொன்று

இரவுகளைத் தின்றதொன்று

4151 லைக்குகளைப் பெற்றதொன்று

ஒன்று தற்குறிப்பேற்ற அணிக்கு உவமையாயிற்று

மற்றொன்று பெருங்கவியின் கவிதையில் இரு வரிகளாயிற்று

இருந்தும் என் ஏக பத்தினியிடம்

ஒவ்வொரு அடிக்கும் அடிவாங்கித் தந்த கவிதைகளை

முன்னால் காதலிகளுக்கு சமர்ப்பிக்க இயலாமல் போயிற்று

விட்டு விடுதலையாகி

மாறி மாறி விடுதலின்றி

என் சங்கை இறுக பற்றியிருக்கும்

இந்த நாண் கையை

இந்த பொன் கையை

அவ்வப்போது

அலைமாறியில் கழட்டிவைக்கக்கூட

அனுமதியில்லை

நானோ சந்தோஷக் கூச்சலில்

வானோக்கி கழட்டியெரிய விரும்புகிறேன்

அங்ஙனம் செய்ய

ஒன்று நான் சாகவேண்டுமாம்

அன்று நீ சாக வேண்டுமாம்

ஏழெட்டு நாட்கள் கழட்டாமல் போட்ட

ஜட்டியின் அரிப்பை போல்

ஒவ்வொரு நாளும்

நான்படும் அலுங்கழிப்பை
உனக்கு எப்படி புரியவைப்பேன்

நீ செத்து போ என் கணவா !

தசம பாக ஏமாளிகள்

ஏழைகளின் அடிப்படை வளர்ச்சியில்

எனது பங்களிப்பென

இருமாப்பில் பூரிக்கிறார் பின்னவர்…

அதற்கு சாட்சியென

கெத்சமெனே தோட்ட பின்புலத்தில்

காலண்டரில் குடும்பத்துடன் சிரிக்கிறார் முன்னவர்...

இயேசுவால் இரட்ச்சிக்கப்பட்டவர்கள்

இருவர்;

ஒருவர் ஏமாற்றுபவர்…

மற்றவர் ஏமாறுபவர்…

முன்னவர் உண்டியலேந்துகிறார்..
பின்னவர் உண்டியலிடுகிறார்..

ஒற்றை வாழ்வு

சிலை வடித்தவனுக்கு தெய்வம் அருள் பாலிப்பதில்லை

உலை வைத்தவனுக்கு அன்னம் மிச்சம் இருப்பதில்லை

அவனது தெய்வம் மலையில் ஏறிவிட்டது

அவனது அன்னம் குப்பையில் கொட்டிவிட்டது

நிவ சரணமானவன் சவ சரணமாகினும்

நிவ நிவ சரணம்தான் நிவ நிவ சரணம்தான்

மகே இல்லனா சுகே நவினம்

பின் மனே வினே பின்நவினம்

நயன்தாரா சாயல் அவளுக்கு

அவளைக் காதலிக்கும் நூறுவரில்

அவளை மட்டுமே புணர எத்தனிக்கும்

ஒருவனின்

மூன்று வார்த்தைகளை

அன்றன்றைய முத்தங்களை

ஒன்றுவிட்ட காமத்தை

அன்புடன் கூடிய வாழ்வை

மீள மீள எடுத்து செல்கிறாள்

மேலும் மேலும் மிடுக்கேற்றி கொல்கிறாள்

ஆனால் அவன் கீழ்க்கண்ட

குடும்ப குத்துவிளக்குடன் வாழ பழிக்கப்பட்டவன்

அன்பு மிகவுடையாள்

அச்சம் மடம் நாணம் பயிற்பு உடையாள்

மரபைப் பேனுபவள்

வகைவகையாய் பரிமாறுபவள்

ஆசைகளை அடக்கத் தெரிந்தவள்

காதல் விடுத்தோ காமம் விடுத்தோ

இரண்டும் விடுத்தோ

முடிச்சில் வாழ்வார் வாழ்வார்

உறவில் வாழ்வார் வாழ்வார்

பொருளில் வாழ்வார் வாழ்வார்

மகவில் வாழ்வார் வாழ்வார்

பண்பாட்டில் வாழ்வார் வாழ்வார்

ஆசைகளற்று வாழ்வாரும் உளர்

கடமைக்கேற்று வாழ்வாரும் உளர்

”ஐ லவ் யூ” இங்கு வேறு வாயற்றவை

முத்தங்கள் அவ்வளவு அருவறுப்பானவை

தொடுகை மிகவும் எரிச்சலூட்டுபவை

புணரும் நோக்கு கொலைவெறி தூண்டுபவை

நயன்தாரா நினைவினிலே

பயன்தராமல் வாழும் இவனை

இச்சமூகம் என்ன செய்துவிடும்

இச்சட்டம் என்ன செய்துவிடும்