மாறி மாறி விடுதலின்றி
என் சங்கை இறுக பற்றியிருக்கும்
இந்த நாண் கையை
இந்த பொன் கையை
அவ்வப்போது
அலைமாறியில் கழட்டிவைக்கக்கூட
அனுமதியில்லை
நானோ சந்தோஷக் கூச்சலில்
வானோக்கி கழட்டியெரிய விரும்புகிறேன்
அங்ஙனம் செய்ய
ஒன்று நான் சாகவேண்டுமாம்
அன்று நீ சாக வேண்டுமாம்
ஏழெட்டு நாட்கள் கழட்டாமல் போட்ட
ஜட்டியின் அரிப்பை போல்
ஒவ்வொரு நாளும்
நான்படும் அலுங்கழிப்பை
உனக்கு எப்படி புரியவைப்பேன்
உனக்கு எப்படி புரியவைப்பேன்
நீ செத்து போ என் கணவா !
கருத்துகள் இல்லை:
கருத்துரையிடுக