ஈரமேகம் தரை இறங்கி
சில்வர்ஓக் காடலையும்
மயிர் கூச்செரிய
உயிர்வளி தடுமாற
உயிர்வளி தடுமாற
கொஞ்சம் சாரல்
கொஞ்சும் வாடை
வியாபித்து சில்லென்றுச் சொல்ல
ஸ்தம்பித்து நில்லென்றுக் கொல்லும்
மலையகத்து மாலைப்
பொழுதில்
தீக்கணப்பில் சூடேற்றிய
இந்த ஒரு கோப்பை
தேநீர்
இன்னும் லயிக்க
செய்திருக்கும்
நமது நட்பை….
நடுங்கும் விரல்கள்
அடங்க பிடித்து
அழகே நீ இதழ்க்கொண்டி
இட்டதில்
காலம் கரைந்துப்
போனது…
தேநீர்
உறைந்துப் போனது…
இன்னொரு மாலைப்
பொழுதில்
வேறொரு கோப்பை
தேநீரில்
நமது நட்பை லயிக்க
செய்வோம்
இத் துர்நிகழ்வை
மறந்துவிடு!
- மகேஷ் பொன்
கருத்துகள் இல்லை:
கருத்துரையிடுக