சத்தியமாய் நம்பலாம்
நான் எப்போதும் குனிந்தவனில்லை
அதிகாரத்தின் படிகளில்கூட
நெடுஞ்சாண்கிடையாகத்தான் ஏறினேன்
என் நெற்றியிலுள்ள தழும்புகள்கூட
நிமிர்ந்தே சென்றதால்
தலை முட்டியதில் ஏற்பட்டதுதான்
அடுத்தவன் மலத்தைச் சப்பித்தின்னும்
பன்றிகள் வானம் பார்ப்பதும்
அடுத்தவன் வளத்தைச் சுரண்டித்தின்னும்
தொன்றிகள் நிலம் பார்ப்பதும்
கொஞ்சம் கடினம்தானே
ஒற்றைத் துண்டில் ரெட்டை இருக்கை
பேரக்குழந்தைகளின் மெத்தை
குப்புர விழுந்தாலும் மீசையின் அரண்
உலக உருண்டையின் தத்துவம்
விநாயகரின் தெய்வாம்சம்
இது வாழ்நாள் கர்ப்பம்
இருந்தும் இப்படியா கலாய்ப்பது
என் அசெளகரியம் பாராமல்
இதுவும் ஓர் ஊனமென விட்டுவிடுங்கள்
நின்ற கோலமும் வசமில்லை
கிடந்த கோலமும் வசமில்லை
உப்பிய வயிற்றோடு எப்படி புணர்வது
டேய் தம்பி இங்க வாடா
இந்த அன்னியை மட்டும்
கொஞ்சம் செஞ்சிவிடு
நான் இன்சியல் போட்டுக்கொள்கிறேன்
ஊடக சொரிநாய்களும்
சமூகதள வெறிநாய்களும்
கடிக்கத் துரத்துகின்றன
உப்பிய வயிற்றோடு எப்படி குனிவது
டேய் தம்பி இங்க வாடா
அந்த கல்லை மட்டும்
கையில் எடுத்துக்கொடு
நான் ஓங்கி எறிந்துக்கொள்றேன்
- மகேஷ் பொன்
கருத்துகள் இல்லை:
கருத்துரையிடுக